صبغة الحواجب أو التشقير: وش الفرق وأيهما يناسبك؟

الحواجب هي إطار الوجه، وأي تغيير بسيط في لونها يغيّر شكل الملامح كلها. ولهذا تسألنا كثير من عميلاتنا: أصبغ حواجبي ولا أشقرها؟ الجواب يعتمد على لون شعرك وبشرتك واللوك اللي تبينه.

التشقير: حواجب أفتح وأنعم

التشقير يفتّح لون شعر الحاجب درجة أو أكثر. يناسبك إذا:

• صبغتي شعرك بلون فاتح أو عسلي وتبين حواجبك تناسبه.
• حواجبك غامقة وكثيفة وتبين ملامح أنعم.
• تبين لوك الميك آب الناعم بدون ما تغيّرين شكل الحاجب.

الصبغة: حواجب أوضح وأكثف

الصبغة تعطي الشعرات الفاتحة لونًا موحّدًا، فيبان الحاجب أكثف ومرتب. تناسبك إذا حواجبك خفيفة أو فيها شعرات شايبة أو فاتحة، أو إذا تبين تقللين وقت رسم الحاجب كل يوم.

ليش كثير يجمعون الاثنين؟

لأن الجمع بينهم يعطي لون متناسق تمامًا: نشقّر أولًا لتوحيد اللون، وبعدها نضيف الدرجة المناسبة للون شعرك. وهذي خدمة «صبغة وتشقير» عندنا، وهي من أكثر الخدمات طلبًا في الصالون.

كم تدوم النتيجة؟

غالبًا من أسبوعين إلى أربعة أسابيع، حسب نوع بشرتك وسرعة نمو الشعر وكثرة غسل الوجه والتقشير.

قبل الجلسة

• بلغينا إذا عندك حساسية أو حساسية سابقة من صبغة، ونسوي لك اختبار بسيط قبل الخدمة.
• تجنبي التقشير أو المنتجات القوية حول الحاجب قبلها بيوم.
• تعالي بدون ميك آب على الحواجب لو تقدرين.

بعد الجلسة

• لا تبللين الحواجب أول 24 ساعة.
• ابعدي المقشرات والمنتجات اللي فيها أحماض عن المنطقة عشان يثبت اللون أطول.

احجزي موعدك: صبغة وتشقير — تشقير حواجب